लाभका लागि मर्यादाको खिल्ली

शनिबार, २१ असोज २०७४, ०७ : ४४ नागरिक


चुनाव लड्न राजदूत उपाध्यायको राजीनामा

काठमाडौं- कार्यकाल पूरा हुनुभन्दा तीन वर्षअघि नै भारतका लागि नेपाली राजदूत दीपकुमार उपाध्यायले पदबाट राजीनामा दिएका छन् । अघिल्लो पटक भारतका लागि राजदूत हुँदा तत्कालीन सरकारले उनलाई जबरजस्ती फिर्ता बोलाए पनि अहिले भने आफ्नै ‘स्वार्थ’ का कारण उनले राजदूतको पद त्याग्ने निर्णय गरेका हुन् ।

‘स्थानीय (कपिलवस्तु) जनता र पार्टीले निर्वाचनमा सहभागी हुन र उम्मेदवार बन्न दबाब दिएपछि मैले राजदूत पदबाट राजीनामा गर्ने निर्णय गरेको हुँ ।’- दीपकुमार उपाध्याय, भारतका लागि नेपाली राजदूत।

राजदूत उपाध्यायले शुक्रबार उपप्रधान तथा परराष्ट्रमन्त्री कृष्णबहादुर महरालाई राजीनामा बुझाएका छन् ।
‘मेरो आवश्यकता अहिले देशभित्रै भएको हुनाले राजदूत पदबाट राजीनामा गरेको हुँ,’ राजदूत उपाध्यायले शुक्रबार भने, ‘उपप्रधान तथा परराष्ट्रमन्त्रीज्यूलाई मैले आज राजीनामा बुझाएको छु ।’
राजदूत उपाध्यायले शुक्रबार दिउँसो १ बजे परराष्ट्र मन्त्रालय पुगी उपप्रधान तथा परराष्ट्रमन्त्री महरालाई राजीनामा बुझाएका थिए । मन्त्री महराले शुक्रबार नै राजदूतले बुझाएको राजीनामापत्र प्रधानमन्त्री शेरबहादुर देउवालाई हस्तान्तरण गरेका थिए । आउँदो मन्त्रिपरिषद् बैठकले उपाध्यायको राजीनामा स्वीकृत गर्नेछ ।  
आगामी मंसिर १० र २१ गते हुने प्रदेश तथा केन्द्रको निर्वाचनमा उम्मेदवारी दिनका लागि उनले राजदूत नियुक्त भएको वर्ष दिनमै राजीनामा गरेका हुन् । नेपाली कांग्रेस जिल्ला कार्य समितिले कपिलवस्तुको निर्वाचन क्षेत्र–१ बाट उनलाई केन्द्रको निर्वाचनका लागि उम्मेदवारका रूपमा सिफारिस गरेको छ । उनी केन्द्रीय निर्वाचनमा उम्मेदवार हुन नयाँदिल्ली छोडी अहिले काठमाडौं आएका छन् ।
‘स्थानीय (कपिलवस्तु) जनता र पार्टीले निर्वाचनमा सहभागी हुन र उम्मेदवार बन्न दबाब दिएपछि मैले राजदूत पदबाट राजीनामा गर्ने निर्णय गरेको हुँ,’ उपाध्यायले भने ।
करिव ६ वर्षदेखि रिक्त रहेको भारतस्थित नेपाली दूतावासमा तत्कालीन सुशील कोइराला सरकारले कांग्रेस नेता दीपकुमार उपाध्यायलाई २०७१ माघ २ गते सिफारिस गरेको थियो । २०६६ पुस ६ गते कूटनीतिक मर्यादाविपरीत कार्य गरेको भन्दै तत्कालीन राजदूत रुक्मशमशेर राणालाई सरकारले फिर्ता बोलाएपछि करिब ६ वर्ष नयाँदिल्लीस्थित नेपाली दूतावास राजदूतविहीन बनेको थियो । राणा कांग्रेस कोटामा भारतका लागि नेपाली राजदूतमा नियुक्त भएका थिए ।
राणालाई फिर्ता बोलाएको करिब ६ वर्षपछि उपाध्याय कांग्रेस कोटामा राजदूत नियुक्त भएका थिए । २०७० सालमा सम्पन्न दोस्रो संविधानसभा निर्वाचनमा पराजित उपाध्यायले २०७२ वैशाख १७ गते राजदूतको जिम्मेवारी सम्हालेका थिए । उनी भारतका लागि राजदूत रहँदा भारतले नेपालमाथि पाँच महिनासम्म नाकाबन्दी लगाएको थियो ।
सुशील कोइरालापछि बनेको केपी शर्मा ओली नेतृत्वको सरकारले राजदूत उपाध्यायको कार्यशैलीप्रति असन्तुष्टि जनाउँदै २०७३ वैशाख २४ गते उनलाई फिर्ता बोलाउने निर्णय गरेको थियो । सत्ता परिवर्तनमा संलग्न भएको, बिना जानकारी कार्यक्षेत्र छोडेको र कूटनीतिक मर्यादाविपरीत कार्य गरेको आरोप लगाई सरकारले उपाध्यायलाई फिर्ता बोलाएको थियो । सरकारले फिर्ता बोलाएपछि त्यतिबेला उनले सरकारले आपूmमाथि अन्याय गरेको र सरकारको यो कार्यले दुई देशबीचको सम्बन्धमा असर गर्ने बताएका थिए ।

उपाध्याय फिर्ता भएको केही सातापछि ओली सरकार ढलेको थियो । त्यसपछि कांग्रेसको सहयोगमा बनेको पुष्पकमल दाहाल नेतृत्वको सरकारले उपाध्यायलाई २०७३ भदौ १६ गते पुनः भारतका लागि नेपाली राजदूतमा सिफारिस गरेको थियो । दोस्रो पटक भारतको लागि राजदूतमा सिफारिस भएपछि उनले त्यतिबेला आपूmले न्याय पाएको प्रतिक्रिया जनाएका थिए ।
चारवर्षे कार्यकालको एक वर्ष मात्र पूरा हुँदा उनले सांसद हुने लोभमा राजदूतको पद त्यागेका हुन् । यसरी कार्यकालको बीचमै राजदूतबाट राजिनामा गर्दा भारतसँगको कूटनीतिमा असर गर्दैन ? भन्ने जिज्ञासामा राजदूत उपाध्यायले भने, ‘त्यति असर गर्दैन । नेपाल–भारतबीचको विवाद समाप्त भइसकेको छ । सम्बन्ध सहज रूपमा अघि बढेको छ । जुन उद्देश्य लिएर म गएको थिएँ त्यो पूरा भएको छ । ’

सिलवाल डिआइजीकै हैसियतमा एमाले प्रवेश
राजीनामा स्वीकृत नै नभई नेपाल प्रहरीका डिआइजी नवराज सिलवाल औपचारिक रूपमा राजनीतिक दलमा प्रवेश गरेका छन् । प्रहरी कर्मचारीको हैसियतमै उनी शुक्रबार नेकपा एमालेमा प्रवेश गरेका हुन् ।
भदौ २८ मा उनले दिएको राजीनामा स्वीकृत भएको छैन । राजीनामा स्वीकृत भई पेन्सनपट्टाको प्रक्रिया सुरु नभएसम्म सरकारी कर्मचारी बहालवाला पदमै कायम रहन्छन् ।

प्रहरी नियमावलीअनुसार डिआइजीको राजीनामा मन्त्रीस्तरीय निर्णयबाट सदर हुन्छ । जानकार स्रोतका अनुसार सिलवालको राजीनामा गृह मन्त्रालयमा पुगेको छैन । उनको राजीनामापत्र प्रहरीको प्रहरी प्रशासन महाशाखामै छ ।

प्रहरी नियमावलीअनुसार संगठनको सदस्य रहेकै अवस्थामा राजनीतिक दलको सदस्यता लिए आचरणविरुद्धको गतिविधि मानिने र  दण्डनीय हुनेछ ।
नियमावलीअनुसार डिआइजीको राजीनामा मन्त्रीस्तरीय निर्णयबाट सदर हुन्छ । जानकार स्रोतका अनुसार सिलवालको राजीनामा गृह मन्त्रालयमा पुगेको छैन । उनको राजीनामापत्र प्रहरीको प्रहरी प्रशासन महाशाखामै छ ।
प्रहरी प्रवक्ता मनोज न्यौपानेले सिलवालको राजीनामा स्वीकृत नभई प्रशासनिक प्रक्रियामै रहेको बताए ।
आफ्नो राजीनामा स्वीकृत नभएको जानकारी हुँदाहुँदै सिलवाल शुक्रबार एमाले अध्यक्ष केपी ओलीको हातबाट अबिर र खादा लगाएर पार्टी प्रवेश गरेका हुन् । पार्टी प्रवेश कार्यक्रममा उनले अब आफू एमालेको सिपाही भएको बताएका थिए ।
कार्यक्रममा उनले एमाले अध्यक्ष ओलीलाई युगपुरुषको उपमा दिएर प्रशंसा गरेका थिए । प्रहरीको २५ औं प्रमुखको दौडमा रहेका उनलाई एमालेप्रति बफादार रहेको भन्दै सत्ता गठबन्धन प्रमुख प्रधानमन्त्री शेरबहादुर देउवाले आइजिपी नियुक्ति गर्न अस्वीकार गर्दै जयबहादुर चन्दलाई अगाडि सारेका थिए ।
फागुन १ मा चन्दलाई आइजिपी बनाउने सरकारी निर्णयविरुद्ध उनी सर्वोच्च अदालत गएपछि सो निर्णय बदर भए पनि सरकारले सिलवालको साटो प्रकाश अर्यालको कार्यसम्पादन मूल्यांकन नम्बर बढी रहेको भन्दै अर्याललाई आइजिपी बनाएपछि उनी फेरि सर्वोच्च गएका थिए ।
उनले अर्यालको भन्दा आफ्नो नम्बर बढी रहेको दाबी गर्दै बुझाएको कार्यसम्पादन मूल्यांकन फाराम किर्ते रहेको भन्दै सरकारले अनुसन्धान गर्न निर्देशन दिएपछि प्रहरी प्रधान कार्यालयले अनुसन्धान गरेको थियो । प्रहरी  अनुसन्धानले मूल्यांकन फाराम किर्ते गरेको प्रतिवेदन सरकारलाई बुझाएको थियो ।
दोस्रो मुद्दामा सर्वोच्चले भदौ २७ मा सरकारी निर्णय सदर गरेपछि सिलवालले विज्ञप्तिमार्फत राजीनामा दिने घोषणा गरेका थिए । सिलवाल आइजिपीको दौडमा रहेकै बेलादेखि एमाले अध्यक्ष ओलीले उनको पक्षमा वकालत गर्दै आएका थिए । सर्वोच्चको फैसला आएको दिन उनले एमालेले उनलाई गृहमन्त्री बनाउने दाबी गरेका थिए ।






यसमा तपाईको मत

तपाईंको रुचि अनुसारको समाचारको लागि खाता खोल्नुहोस् ।

अन्य समाचार

सेल्फि र सेल्फि फोनको लहर

सेल्फि र सेल्फि फोनको लहर

सेल्फि फोनको ट्रेन्डलाई नियालेर हेर्दै र सेल्फि क्यामरा राम्रो हुनलाई केको आवश्यकता पर्छ भन्ने विषयमा टिप्पणी । ...

ट्याब्लेट रोज्दा खोज्नुपर्ने उत्तरहरु

ट्याब्लेट रोज्दा खोज्नुपर्ने उत्तरहरु

सानदार स्क्रिन हुने, बोक्न गाह्रो नहुने र चलाउन सजिलो हुने भएकाले ट्याब्लेट छोटो समयमा नै अत्यधिक लोकप्रिय भएको छ ।...

ल्यापटप छान्न सरल

ल्यापटप छान्न सरल

गाह्रोभन्दा गाह्रो कामहरु पनि सजिलै गर्न मिल्ने तर जता पनि सजिलै बोकेर हिंड्न मिल्ने भएकाले ल्यापटप अहिले पुराना शैलीका डेस्कटप...

टिभीको नयाँ रुपलाई नियाल्दा

टिभीको नयाँ रुपलाई नियाल्दा

टिभी हेर्न सजिलो छ । किन्न भने त्यति सरल नहुन सक्छ । अहिले पुराना शैलीका सिआरटि टिभीहरु उत्पादन हुन छोडिसके...

‘प्याडम्यान’को रिलिज सर्‍यो, अब ‘पद्मावत’ एक्लै

‘प्याडम्यान’को रिलिज सर्‍यो, अब ‘पद्मावत’ एक्लै

अक्षय कुमारको सामाजिक कथामा आधारित फिल्म ‘प्याडम्यान’ को प्रदर्शन मिति सारिएको छ। २५ जनवरीका लागि तोकिएको फिल्म अब फेब्रअरी ९...

समस्या बढाउने सञ्जाल

समस्या बढाउने सञ्जाल

केही अध्ययनले सोसल मिडियाको प्रयोग र डिप्रेसनबीच सम्बन्ध देखाएका छन् । केही अध्ययनले भने कसरी सोसल मिडियाले राम्रो गर्न सक्छ...

सोहेल खान काठमाडौंमा

सोहेल खान काठमाडौंमा

बलिउड अभिनेता सोहेल खान शुक्रबार काठमाडौं आइपुगेका छन्। दवाङ्ग इभेन्टका लागि आउँदो मार्चमा नेपाल आउन लागेका चर्चित अभिनेता सलमान खानको...

भैरहवामा कार्यक्रम गरेसँगै नेपथ्यको कन्सर्ट यात्रा सकियाे

भैरहवामा कार्यक्रम गरेसँगै नेपथ्यको कन्सर्ट यात्रा सकियाे

मुलुकभरिबाट सोनाम ल्होसार मनाउने भक्तजनको भीड, छेवैको लुम्बिनीमा लागेको साँझ भैरहवा पनि लोक भाकामा आधारित रक संगीतमा डुब्यो। ...