यी हुन् राजपाबाट चुनाव लड्ने शीर्ष ३० नेता

बिहिबार, २६ असोज २०७४, ०८ : २१ भुवन शर्मा


काठमाडौं- लोकतान्त्रिक गठबन्धनमा आबद्ध भई संघीय समाजवादी फोरम, नेपालसँग चुनावी तालमेल गर्ने घोषण गरेको राष्ट्रिय जनता पार्टी (राजपा) नेपालले प्रतिनिनधिसभा (संघीय संसद्) चुनावमा प्रत्यक्षतर्फ चुनाव लड्ने ३० नेताको प्रारम्भिक सूची तयार पारेको छ ।
सूची तय गरिए पनि अन्तिम टुंगो भने फोरम नेपालसँग बैठक गरी लगाइने राजपाका नेताहरूले बताएका छन् । यसका लागि बिहीबार फोरम नेपालसँग राजपाले छलफल गर्नेछ । सोमबार, मंगलबार र बुधबार राजपा अध्यक्षमण्डलका सदस्यहरूले बैठक गरी पार्टीबाट प्रत्यक्ष्य चुनाव लड्ने ३० नेताको प्रारम्भिक सूची तय गरेका हुन् ।  
राजपा प्रवक्ता सन्तोष मेहताले पार्टीबाट प्रत्यक्ष चुनाव लड्ने ३० नेताको प्रारम्भिक सूची तय भएको जानकारी दिँदै फोरम नेपालसँगको बैठकपछि टुंगोमा पुग्ने बताए । ‘हामीले लोकतान्त्रिक गठबन्धनसँग ५५ सिट मागेका छौं । त्योमध्ये हामी र फोरम नेपालले आधा–आधा गर्ने भएका छौं’, मेहताले भने, ‘त्यसैले फोरम नेपालसँगको बैठकपछि यो सूचीमा केही तलमाथि हुने सम्भावना छ ।’
स्रोतका अनुसार राजपा अध्यक्षमण्डलका ६ सदस्यको नाम  प्रत्यक्ष चुनाव लड्ने सूचीमा राखिएको छ । यसमा अध्यक्षमण्डलका संयोजक महन्थ ठाकुरको पनि नाम छ । ठाकुरको नाम महोत्तरी ३ बाट राखिएको छ । उनले  भने प्रत्यक्ष चुनाव लड्ने चाहना नराखेको स्रोतको भनाइ छ ।
अध्यक्षमण्डलका सदस्य राजेन्द्र महतो धनुषा ३, महेन्द्र यादव  सर्लाही, अनिल झा रौतहट, राजकिशोर यादव सिरहाबाट चुनाव लड्ने सूचीमा राखिएको छ । अन्य नेताहरू जितेन्द्र सोनाल बारा, बद्री मण्डल मोरङ, रामचन्द्र कुशवाह सुनसरी, सर्बेन्द्रनाथ शुक्ल रूपन्देही, शेखर सिंह सप्तरी, प्रदीपशमशेर जबरा रौतहट, सरोजकुमार याद बारा, मनीष सुमन सप्तरी, लक्ष्मणलाल कर्ण पर्साबाछ चुनाव लड्ने तयारी छ । यसैगरी गोविन्द चौधरी नवलपरासी, सन्तोष मेहता सुनसरी, सुरिता साह महोत्तरी, चन्दा चौधरी सर्लाहीबाट निर्वाचन लड्ने सूची तयार पारिएको छ ।
यसैगरी समानुपातिक निर्वाचन प्रणालीतर्फ उम्मेदवारको सूची तयार गर्न राजपा अध्यक्षमण्डलको बैठक बिहीबार पनि बस्नेछ ।
फोरम नेपालले भने प्रत्यक्ष्यतर्फ चुनाव लड्नेको प्रारम्भिक सूची अझै तयार नपारेको नेताहरूले बताएका छन् । फोरम नेपालकी राजनीतिक सदस्य रेखा यादवले प्रत्यक्ष चुनाव लड्ने नेताहरूका बारेमा पार्टीभित्र अझै छलफल नभएको बताइन् । फोरम नेपालका अध्यक्ष उपेन्द्र यादव भने प्रत्यक्ष चुनाव लड्ने भएका छन् ।
 

राप्रपाबाट को–को लड्दैछन् चुनाव  
राप्रपा  अध्यक्ष कमल थापाले प्रत्यक्षतर्फ चुनाव लड्ने भएका छन् । थापाले मकवानपुर १ बाट चुनाव लड्ने घोषणा गरेको  राप्रपा नेता बुद्धिमान तामाङले बताए । यसैगरी लोकेन्द्रबहादुर चन्द र तामाङले पनि प्रत्यक्ष चुनाव लड्ने सोच बनाएका छन् । चन्दले बैतडी र तामाङले धादिङबाट चुनाव लड्ने तयारी गरेका छन् । ‘बैतडी, धादिङ, मकवानपुर, नेपालगन्ज र झापामा प्रत्यक्ष चुनाव लड्ने हाम्रो योजना छ । यसबारे गठबन्धनमा छलफल हुँदैछ’, उनले भने ।
यसैगरी राप्रपा प्रजातान्त्रिकबाट सुनिल थापा, विक्रम पाण्डे र दीपक बोहराले प्रत्यक्ष चुनाव लड्ने तयारी गरेका छन् । अध्यक्ष पशुपतिशमशेर राणाले भने औपचारिक रूपमा केही बोलेका छैनन् । पाण्डेले चितवनबाट चुनाव लड्ने सोच बनाएका छन् ।





यसमा तपाईको मत

तपाईंको रुचि अनुसारको समाचारको लागि खाता खोल्नुहोस् ।

अन्य समाचार

नयाँ सवारी दर्ता गर्ने प्रक्रिया

नयाँ सवारी दर्ता गर्ने प्रक्रिया

नयाँ सवारी खरिद गरिसके पछि सो सवारी सडकमा चलाउनु अगाडी नै दर्ता गरिसकेको हुनुपर्छ | ग्राहकलाइ सजिलो होस् भनेर दर्ता...

कस्तो किसिमको गाडी किन्नु ठीक होला त ?

कस्तो किसिमको गाडी किन्नु ठीक होला त ?

गाडीको बनावटमा आधारित गाइड ...

किन गर्ने गाडीको बिमा?

किन गर्ने गाडीको बिमा?

भविष्यमा हुन सक्ने दुर्घटनाको बारे हामी अनविज्ञ छौं । तेस्रो पक्षको सवारी विमा गरेर यस्तो दुर्घटनाको क्षति कसरी न्यूनीकरण गर्न...

जाडो मौसममा गाडीमा आउन सक्ने समस्याहरुको समाधान

जाडो मौसममा गाडीमा आउन सक्ने समस्याहरुको समाधान

जान्नुहोस् केहि रोचक जुक्ति र ह्याकहरु जसबाट तपाइले गाडीमा आइपर्ने जाडो सम्बन्धि समस्याहरुबाट छुटकारा पाउन सक्नुहुन्छ ...

मोफसलका दर्शकसँग ‘कान्छी’

मोफसलका दर्शकसँग ‘कान्छी’

नायिका श्वेता खड्का आफूले अभिनय तथा निर्माण गरेको फिल्म ‘कान्छी’को प्रतिक्रिया लिन व्यस्त छिन्। काठमाडौंका हलबाट राम्रो प्रतिक्रिया पाएकी श्वेता...

आठ जिल्लामा फेरि ‘संरक्षण’

आठ जिल्लामा फेरि ‘संरक्षण’

गत साउन २७ गते सार्वजनिक प्रदर्शनमा आएको फिल्म ‘संरक्षण’ फागु पूर्णिमाको अवसर पारेर तराईका ८ जिल्लामा पुनः प्रदर्शन हुने भएको...

दुलही बन्दै एमी

दुलही बन्दै एमी

क्रिकेटर बिराट कोहली र अभिनेत्री अनुष्का शर्माको विवाह सन् २०१७को सबैभन्दा चर्चित विवाह रह्यो । यो साल भने सोनम कपुर...

खानासँगै संगीतको स्वाद

खानासँगै संगीतको स्वाद

पछिल्लो समयमा युवापुस्तामाझ रुचाइएका गायक रोहित जोन क्षेत्री शनिबार राजधानीमा युवापुस्तामाझ देखिँदा हुटिङ र ताली राम्रै पाए । उनी युवा...