महिला उद्यमी महासंघमा नयाँ नेतृत्वको शपथग्रहण

बिहिबार, २६ असोज २०७४, ०८ : ३२ नागरिक


काठमाडौं- बुधबार महिला उद्यमी महासंघ, नेपालको नयाँ कार्यसमितिले शपथग्रहण गरेको छ । महासंघको १४औं वार्षिक साधारण सभाबाट शारदा रिजालको नेतृत्वमा चयन भएको नयाँ कार्यसमितिले शपथग्रहण गरेको हो ।
झन्डै दस महिनाअघि महासंघकी अध्यक्ष भवानी राणा नेपाल उद्योग वाणिज्य महासंघको अध्यक्ष भएपछि नयाँ नेतृत्व चयन भएको हो । मंगलबार र बुधबार राजधानीमा भएको १४ औं साधारणसभाले रिजालको नेतृत्वमा १९ सदस्यीय नयाँ कार्यसमिति चयन गरेको हो । द्वितीय उपाध्यक्ष बाहेक अन्य सबै पदाधिकारी निर्विरोध चयन भएका थिए ।
नयाँ पदाधिकारीहरू प्रथम उपाध्यक्षमा रिता सिंह, द्वितीय उपाध्यक्षमा निरु रायमाझी, तृतीय उपाध्यक्षमा शोभा ज्ञवाली, महासचिवमा दर्शना श्रेष्ठ, सचिवमा सुनिता वैद्य श्रेष्ठ र कोषाध्यक्षमा हजुरी विष्ट छन् । महासंघको नयाँ कार्यसमिति सदस्यमध्ये थप दुईजनाबाहेक अरु सबै पुरानै सदस्यले निरन्तरता पाएका छन् ।
कार्यसमिति सदस्यहरूमा महालक्ष्मी श्रेष्ठ, सुनिता पलाञ्चोके, बसन्ती प्रधान, मनिषा घिमिरे, आनन्दशोभा ताम्राकार, कुन्नम पोखरेल, तारा तितुङ, लक्ष्मी खनाल, सरस्वती भण्डारी, सरस्वती पराजुली, शिला नेपाली, रम्भा श्रेष्ठ र मलिका श्रेष्ठ रहेको महासंघले जनाएको छ ।
शपथग्रहण कार्यक्रममा बोल्दै वाणिज्यमन्त्री मीनबहादुर विश्वकर्माले मुलुकमा ७० वर्षदेखि व्यवस्था परिवर्तनको मात्र आन्दोलन भएकाले आर्थिक समृद्धि हुन नसकेको बताउँदै यसमा महिला अझ पछि परेको बताए । ‘हामीले व्यवस्था सँगसँगै व्यवहार पनि परिवर्तन गर्न आवश्यक छ,’ मन्त्री विश्वकर्माले भने, ‘अब आर्थिक समृद्धितर्फ लाग्न जरुरी छ ।’ उनले महिलालाई उद्यमशील नबनाउँदासम्म मुलुकको आर्थिक उन्नति असम्भव रहेको बताए ।
मन्त्री विश्वकर्माले नेपालको आर्थिक स्थिति कमजोर हुनुमा मुलुकमा रहेको स्रोत–साधनको उपयोग र पुँजीको सदुपयोग नहुनु रहेको बताए । सरकार व्यवसायीको पक्षमा नहुँदासम्म व्यवसायीले हात फिँजाएर काम गर्न नसक्ने भएको भन्दै आफू सधैं व्यवसायीको पक्षमा रहेको उनले बताए ।
कार्यक्रममा बोल्दै निवर्तमान अध्यक्ष तथा नेपाल उद्योग वाणिज्य महासंघकी अध्यक्ष राणाले मुलुकको आर्थिक विकास गर्न समावेशी अर्थतन्त्रलाई बढावा दिनुपर्ने बताइन् । यसको लागि महिला उद्यमशीलता विकास गर्न सरकारले सहयोग गर्नुपर्नेमा उनले जोड दिइन् । ‘जबसम्म महिला उद्यमशीलता अगाडि बढ्दैन तबसम्म महिलाको आत्मविश्वास बढ्न सक्दैन ।’
राणाले महिला उद्यमी महासंघको शाखा २९ जिल्लामा पुगिसकेको र छिट्टै १० जिल्लामा विस्तार गर्न लागिएको जानकारी गराइन् । उनले महासंघलाई ७५ जिल्लामै पु¥याउने लक्ष्य रहेको भन्दै यसले महिलाको उद्यमशीलता मात्र नभएर मुलुकभरका महिलामा एकअर्काबीचको चिनजान र आत्मीयता समेत बढ्ने बताइन् ।
नवनिर्वाचित अध्यक्ष रिजालले हरेक घरघरमा महिला उद्यमशीलता हुनुपर्ने र यसो भएमात्र मुलुकको आर्थिम समृद्धि सम्भव रहेको बताइन् । उनले सरकारले महिला उद्यमशीलता विकासमा विशेष जोड दिएर लगानी गर्नुपर्ने बताइन् ।
कार्यक्रममा उत्कृष्ट काम गर्ने जिल्ला शाखाहरूलाई सम्मान तथा पुरस्कार दिइयो । यस वर्षको उत्कृष्ट जिल्ला शाखामा काभ्रे, दोस्रो कास्की, तेस्रो पर्वत र सान्त्वना पुरस्कार प्युठानले पाएको छ । त्यसैगरी, महासंघ र मुलुककै महिला उद्यमशीलता विकासमा उल्लेख्य योगदान पुर्याएको भन्दै शान्ति चड्डालाई ‘लाइफ टाइम एचिभमेन्ट अवार्ड’बाट सम्मान गरिएको छ ।
वार्षिक साधारण सभा तथा यसै अन्तर्गत आयोजित कार्यशालामा १७ जिल्लाका लगभग सयजना महिला व्यवसायीको सहभागिता थियो । कार्यशाला गोष्ठीमा महिला उद्यमीसम्बन्धी समस्या र समाधानका विषयमा छलफल भएको थियो । त्यसैगरी, महिला उद्यमी व्यवसायीका विषयलाई कसरी नीतिगत रुपमा लान सकिन्छ भन्ने विषयमा पनि छलफल भएको थियो ।
 







यसमा तपाईको मत

तपाईंको रुचि अनुसारको समाचारको लागि खाता खोल्नुहोस् ।

अन्य समाचार

सुटिङका लागि नेपाल आउँदै अर्जुन-परिणिती

सुटिङका लागि नेपाल आउँदै अर्जुन-परिणिती

अभिनेता अर्जुन कपुर र अभिनेत्री परिणिती चोपडाको अभिनय रहने नयाँ फिल्म ‘सन्दीप और पिंकी फरार’ को सुटिङ नेपालमा पनि गरिने...

सकियो श्वेताको ‘कान्छी’

सकियो श्वेताको ‘कान्छी’

नायिका तथा निर्मात्री श्वेता खड्काले निर्माण गरेको फिल्म ‘कान्छी’ को छायांकन सकिएको छ । आकाश अधिकारी निर्देशित फिल्मले ५० दिनको...

‘कसले बजाउने बिनायो र मुर्चुङ्गा ?’

‘कसले बजाउने बिनायो र मुर्चुङ्गा ?’

दुई दशक अघिसम्म खोटाङको हलेसी तुवाचुङ नगरपालिका–३ च्यास्मीटारका टोल–टोलमा बिनायो र मुर्चुङ्गा बज्थे । मेलापात घाँस–दाउरा, हाटबजार, अर्मपर्मका बेला घन्किने...

तस्विरमा कलाकारको भाइटीका

तस्विरमा कलाकारको भाइटीका

तिहारको अन्तिम दिन शनिबार दिदीबहिनीले दाजुभाइलाई र दाजुभाइले दिदी बहिनीलाई यश, ऐश्वर्य र दीर्घायुको कामना गर्दै आ–आफ्नो परम्पराअनुसार पञ्चरंगी वा...