नेपालको सम्मानजनक प्रदर्शन

आइतबार, २६ कार्तिक २०७४, १० : २७ नागरिक


काठमाडौं- एसिसी यु–१९ युथ एसिया कपमा मोहम्मद नेम शेखको अर्धशतकप्रेरित बंगलादेशसँग शनिबार नेपाल डर्कवर्थ लुइस पद्धतिका आधारमा २ विकेटले पराजित भएको छ ।
मलेसियाको किनरारा ओभलमा वर्षाले प्रभावित बनेपछि झन्डै एक घण्टा ढिला सुरु भएको खेलमा टस हारेर ब्याटिङका लागि निम्त्याइएको नेपालले ४०.१ ओभरमा ६ विकेट गुमाएर १ सय ६७ रनको योगफल बनाएको थियो । ४३ ओभरमा छोट्याएको खेल ४०.१ ओभरमा पुनः वर्षा भएपछि डर्कवर्थ लुइसका आधारमा बंगलादेशले ४० ओभरमा १ सय ८१ रनको नयाँ लक्ष्य पाएको थियो ।
सातौं ओभरको चौथो बलमा ओपनर जितेन्द्रसिंहलाई गुमाएको नेपालले २४.१ ओभरमा ७० रन जोड्दा ४ विकेट गुमाइसकेको थियो । महŒवपूर्ण ब्याट्सम्यान आसिफ शेख र कप्तान दीपेन्द्रसिंह ऐरीलाई गुमाइसकेको अवस्थामा नेपालको इनिङ रोहितकुमार पौडेल र भीम सार्कीले सम्हालेका थिए । दुईले पाँचौं विकेटका लागि ७९ रनको साझेदारी गरेपछि नेपाल सम्मानजनक स्कोरतर्फ लम्किएको थियो । ३७.३ ओभरमा नेपालको स्कोर १ सय ४९ रन हुँदा २ चौका र २ छक्कासहित ४० रन जोडेका रोहितकुमार अफिफ होसेन ध्रुबोको बलमा एलबिडब्लु आउट भए । लगत्तै ४० बलमा २ चौका र ३ छक्का जोडेका भीम सार्की पनि नयिम हसनको बलमा बोल्ड भए । कलमसिंह र सन्दीप लामिछानेले समान २÷२ विकेट लिँदा अनिलकुमार शाह, दीपेन्द्रसिंह र किशोर महतोको नाममा १÷१ विकेट रह्यो ।
‘आज हाम्रो ब्याटिङ सन्तोषजनक नै रह्यो । मध्यक्रममा अलि धेरै रोटेड गर्न सकेको भए हामीले २ सय बढीको लक्ष्य दिन सक्थ्यौं होला,’ छनोट प्रतियोगिताको तुलनामा ब्याटिङमा सुधार भएकोबारे नेपालका मुख्य प्रशिक्षक विनोद दासले भने, ‘सुधारको क्रममा छौं । अभैm लामो दूरी पार गर्नुपर्नेछ । पूरै सुधार भइसकेको छैन । भीमले एकरूपको प्रदर्शन गरेका छन् । आगामी खेलमा यही प्रदर्शनले निरन्तरता पाउने आशा गरौं ।’
बंगलादेशका नयिम हसनले ३ विकेट लिँदा हसन महमुद, क्वाजी ओनिक इस्लाम र होसेन ध्रुवोको नाममा १÷१ विकेट रह्यो ।
४० ओभरमा १ सय ८१ रनको नयाँ लक्ष्य पूरा गर्न बंगलादेशलले अन्तिम बलसम्म कुर्नुप¥यो । ओपनरद्वय नेम शेख र पिनक घोषले राम्रो सुरुआत गरे पनि मध्यक्रमका ब्याट्सम्यानले राम्रो प्रदर्शन गर्न नसक्दा एक समय बंगलादेशको इनिङ धरमराएको थियो । तर, महिदुल इस्लाम भुएन एनकोन र होसेन ध्रुवोले छैटौं विकेटका लागि ४८ रनको रनको साझेदारी गर्दै टोलीलाई जिततर्फ डो¥याएका थिए । अन्तिम ओभर लिएर आएका कमलसिंह ऐरीले पहिलो बलमै भुएन एनकोनलाई पवेलियन फर्काएर नेपालको आशा जीवित राखेका थिए । तर, नयिम हसन र रोविउल हकले १÷१ चौका प्रहार गरेपछि नेपाल निराश बन्नुपरेको थियो । नेपालले आइतबार साबिक विजेता भारतसँग प्रतिस्पर्धा गर्नेछ ।
‘ब्याटिङ, बलिङ र फिल्डिङ तीनै पक्षले राम्रो प्रदर्शन गरे । साहसी प्रदर्शन गर्नाका बावजुद पनि नतिजा गुमाउनुपर्दा हामी निराश छौं,’ भारतविरुद्धको खेलबारे मुख्य प्रशिक्षक दासले थपे, ‘हामीले कुन टोलीविरुद्ध खेल्दै छौं भन्दा पनि आफ्नो प्रदर्शनमा सुधार गर्ने हो । त्यसो गर्न सक्यौ भने उनीहरूलाई हामी राम्रो चुनौती दिन सक्नेछौं ।’







यसमा तपाईको मत

तपाईंको रुचि अनुसारको समाचारको लागि खाता खोल्नुहोस् ।

अन्य समाचार

मिस वर्ल्डमा नेपालको अहिलेसम्मकै राम्रो प्रदर्शन

मिस वर्ल्डमा नेपालको अहिलेसम्मकै राम्रो प्रदर्शन

विश्वभरिका सुन्दरीहरुका लागि एउटा सपना हो– मिस वर्ल्ड। यस वर्षको मिस वर्ल्ड उपाधि भारतकी मानुसी छिल्लरले जितेपछि सामाजिक सञ्जालमा विभिन्न...

‘महिलाको चरित्र चित्रणमा कमजोर नेपाली फिल्म’

‘महिलाको चरित्र चित्रणमा कमजोर नेपाली फिल्म’

नेपाली फिल्मलाई बलिउडको नक्कल गर्ने आरोप लागेको छ । अझ त्यसरी बनेका फिल्ममा पनि शिल्प र सौन्दर्य नभएको गुनासो सुनिन्छ...

धनगढी तताए हेमन्तले

डोट्याली कवि हेमन्त विवशका सृजनाबाट शनिबार धनगढीका साहित्यपारखी मन्त्रमुग्ध बनेका छन् । रुबस होटलमा दिउसो भएको एकल रचना वाचन कार्यक्रममा...

‘गुडबाई काठमाडौं’लाई कोलकातामा अवार्ड

‘गुडबाई काठमाडौं’लाई कोलकातामा अवार्ड

दशकअघि देशमा विद्यमान जनयुद्धको पृष्ठभूमिमा बनेको फिल्म ‘गुडबाई काठमाडौं’ले भारतको कोलकातामा भएको ‘कोलकाता इन्टरनेसनल फिल्म फेस्टिभल’मा ‘नेटप्याक अवार्ड’मा ‘उत्कृष्ट फिल्म’को...