सपनाको सहर

‘हामी आफूलाई मात्रै हतार भएको ठान्छौँ’

सोमबार, २२ माघ २०७४, १२ : ५८ नागरिक


विपिन कार्की, अभिनेता
तपाईंलाई मनपर्ने सहर कुन हो ?
धेरैलाई पोखरा मन परेजस्तै मलाई पनि पोखरा नैै मनपर्छ । यो सहरमा धुवाँधुलो र प्रदूषण छैन । पोखरा रमणीय ठाउँ हो । फेवाताल, प्याराग्लाइडिङ, गुफा र वरिपरि देखिने स–साना हिमाल त्यहाँका मुख्य आर्कषक हुन् । पोखरामा घुम्न र रम्न पाउने क्षेत्र धेरै छन्।

काठमाडौं उपत्यका कस्तो लाग्छ ?
काठमाडौं पनि राम्रो लाग्छ । यो सहरलाई मैले धेरै नजिकबाट चिन्न पाएको छु । मैले आफ्नो जीवन संर्घषको सुरुवात यहीबाट गरेको हुँ । काठमाडौंमा हरेक सेवा सुविधा पाइन्छ । उपत्यका महŒवपूर्ण ऐतिहासिक सहर मानिन्छ । उपत्यकाले नेपाली सभ्यताको इतिहास बोल्ने किंवदन्ती छन् । उपत्यका मठ–मन्दिर र मौलिक कलाले सजिएका छन् । यहाँ टोलैपिच्छे फरक–फरक संस्कृति पाइन्छ । यो यहाँको अर्को महत्वपूर्ण पक्ष हो।

उपत्यकाको अस्तव्यस्त देख्दा दिक्क लाग्दैन ?
अति नै दिक्क लाग्छ, तर कतिन्जेल दिक्क मान्ने ? कहिलेकाहीँ त म कस्तो सहरमा बाँचेछु भन्ने लाग्छ । यहाँका सरकारी निकायले दिने झन्झट र जनताको जीवनमाथि हुने खेलवाडको विरोध पनि हामी गर्न सक्दैनौँ । सहरवासी सहरप्रति नै सचेत छैनन् । बरु सहन्छन्, तर दुःख गर्न खोज्दैनन् । जिम्मेवार निकायलाई खबरदारी गर्न सकेको भए विकास निर्माणका काम छिट्टै सकिन्थे । हाम्रो देशमा सरकारी निकायको कामकाज पनि पारदर्शी हुँदैन । कतै–कतै विकास निर्माणका काम भएको देख्दा खुसी लाग्छ । यहाँका धेरै पक्षहरू राम्रा हुँदाहुँदै पनि केही नकारात्मक कुराले काठमाडौंलाई अव्यवस्थित बनाएको हो।

तपार्इंको विचारमा काठमाडौं कसरी राम्रो बन्ला ?
सरकारी निकाय र सहरवासीले बेवास्ता नगरेको भए काठमाडौं यस्तो दिक्क लाग्दो हुँदैनथ्यो होला । काठमाडौं बिग्रनुको मुख्य कारण विकास निर्माण समयमै नहुनु हो । सरकारले सुरु गरेका विकास निर्माणलाई छिट्टै सक्ने, सहरलाई हरियाली र सफा राख्ने काम अघि बढाएको भए उपत्यका अव्यवस्थित हुने थिएन।

काठमाडौं बाहिरका सहर कत्तिको घुम्नुभएको छ ?
प्रायः सबैजसो सहर पुगेको छु । मलाई सहरभन्दा मौलिकता बोकेका ग्रामीण क्षेत्र घुम्न मन लाग्छ । ग्रामीण भेगमा घुम्दा आफ्ना पुराना कुरा जान्न पाइन्छ।

तपाईं कुन–कुन देशका सहर घुम्नुभएको छ ?
मैले पाँचभन्दा बढी देशका सहर घुमेको छु । त्यसमध्ये बंगलादेशको ढाका, भारतको नयाँ दिल्ली र चीनको बेइजिङ मलाई राम्रो लाग्यो । विदेशी सहर व्यवस्थित, अनुशासित, शान्त र सुविधायुक्त छन् । हाम्रा सहर व्यवस्थित छैनन्।

विदेश घुम्दा कस्तो महसुस भयो ?
रमाइलो लाग्यो । म नाटक देखाउने सिलसिलामा नेपालभन्दा बाहिर घुमेको हुँ । नेपाल नछाड्दासम्म विदेशका सहर यस्ता छन् भन्ने सुनेको मात्रै थिएँ, तर प्रत्यक्ष देख्न पाउँदा रमाइलो र ठाउँ बुझ्ने अवसर पाएँ।

हाम्रा सहर किन व्यवस्थित बन्न सकेनन् जस्तो लाग्छ ?
हाम्रामा उच्चपदस्थ अधिकारीहरू विदेशका मुख्य सहर घुमेका छन्, तर उनीहरू आफ्नोमा काम गर्दैनन् । बनाउँदा हाम्रा सहर विश्वकै नमुना बन्न सक्छन् । यहाँको प्राकृतिक सुन्दरता अरु मुलुकमा विरलै पाइन्छ । प्राकृतिक रूपमै सुन्दर हाम्रा सहरलाई व्यवस्थित गर्न मात्र जरुरी छ।

तपाईं आफ्नो सपनाको सहर कस्तो होस् भन्ने चाहनु हुन्छ ?
मेरो सपनाको सहर यस्तो होस्, जहाँ सबैखाले सेवासुविधा होस् । कतै पनि भद्रगोल नदेखियोस् । आफ्ना इच्छा पूरा गर्न विदेशी मुलुकमा जान नपरोस् । सहरमा स्वच्छ श्वास फेर्न पाइयोस् । सहरभित्र हरियाली पार्क होस् । सहरवासीमा सहयोगी भावना देखियोेस् । दुःख पर्दा एकले अर्कोलाई हात दिउन्।

यहाँका नकारात्मक पक्ष के हुन् ?
अव्यवस्थित र जोखिमपूर्ण सडक, हदैसम्मको ट्राफिक जाम, अव्यवस्थित पार्किङ, भिडभाड, र प्रदूषणले काठमाडौंलाई बिगारेको छ । यी समस्या समाधान हुने हो भने सहर व्यवस्थित बन्छ।

यहाँका मनपर्ने पक्ष के हो ?
काठमाडौैंमा सबैखाले सेवा–सुविधा पाइन्छ, यो नै यहाँको राम्रो पक्ष हो । सांस्कृतिक सम्पदा, जात्रा पर्व, मठ–मन्दिर, अनुकूल मौसम लगायत पक्ष हेर्दा काठमाडौं रामो लाग्छ।

सहरवासीको बानी कस्तो लाग्छ ?
सहरमा बस्नेहरू सहरप्रति सचेत छैनौँ । सहरवासीकै गलत सोच र प्रवृृतीले सहर बिग्रिएको हो । सहरमा बस्नेहरू आफूलाई मात्रै हतारमा रहेको ठान्छन् । जथाभावी फोहोर फाल्ने, सडक पार गर्ने, जबरजस्ती भवन बनाउने काम सहरवासीले गरिरहेका छन्।

सहर विकासका लागि आफ्नो तर्फबाट के गर्नु भएको छ ?
म एक्लैले गर्दा सहर बन्ने होइन । सहर बनाउन हामी सबैको सोच र नियत ठिक हुनुपर्छ। सबैले आफ्नो घरबाट निस्किएको फोहोर सही ठाउँमा राख्ने हो भने पनि सहर यतिधेरै फोहोर हुने थिएन । हाम्रो सहरका समस्या कुनै व्यक्तिसँग भन्दा पनि कुनै निकायसँग बढी सम्बन्धित छन् । सरकारी निकाय जिम्मेवार र पारदर्शी नभएकाले सहर बिग्रिएको हो।

उपत्यका नजिकै घुम्न मनपर्ने ठाउँ ?
ककनी, नगरकोट, धुलिखेल, दोलालघाटलगायत ठाउँतिर जान्छु । यी ठाउँ रमणीय लाग्छन्।

मन भएर पनि घुम्न नपाएको सहर ?
मलाई अमेरिकाको लस भेगास घुम्ने मन छ । त्यहाँको फोटो र भिडियो हेरेको थिएँ एकदमै रमाइलो लाग्यो।

उपत्यकाको मनपर्ने खानेकुरा ?
यहाँको झोल मःमः मीठो लाग्छ ।

प्रस्तुति : शिवहरि घिमिरे

 





यसमा तपाईको मत

तपाईंको रुचि अनुसारको समाचारको लागि खाता खोल्नुहोस् ।

अन्य समाचार

नयाँ सवारी दर्ता गर्ने प्रक्रिया

नयाँ सवारी दर्ता गर्ने प्रक्रिया

नयाँ सवारी खरिद गरिसके पछि सो सवारी सडकमा चलाउनु अगाडी नै दर्ता गरिसकेको हुनुपर्छ | ग्राहकलाइ सजिलो होस् भनेर दर्ता...

कस्तो किसिमको गाडी किन्नु ठीक होला त ?

कस्तो किसिमको गाडी किन्नु ठीक होला त ?

गाडीको बनावटमा आधारित गाइड ...

किन गर्ने गाडीको बिमा?

किन गर्ने गाडीको बिमा?

भविष्यमा हुन सक्ने दुर्घटनाको बारे हामी अनविज्ञ छौं । तेस्रो पक्षको सवारी विमा गरेर यस्तो दुर्घटनाको क्षति कसरी न्यूनीकरण गर्न...

जाडो मौसममा गाडीमा आउन सक्ने समस्याहरुको समाधान

जाडो मौसममा गाडीमा आउन सक्ने समस्याहरुको समाधान

जान्नुहोस् केहि रोचक जुक्ति र ह्याकहरु जसबाट तपाइले गाडीमा आइपर्ने जाडो सम्बन्धि समस्याहरुबाट छुटकारा पाउन सक्नुहुन्छ ...

‘कान्छी’को ‘रेस्पोन्स’ बुझ्न स्वेता देश दौडाहमा (फोटो फिचर)

‘कान्छी’को ‘रेस्पोन्स’ बुझ्न स्वेता देश दौडाहमा (फोटो फिचर)

नायिका श्वेता खड्का आफूले अभिनय तथा निर्माण गरेको फिल्म ‘कान्छी’को प्रतिक्रिया लिन व्यस्त छिन्। काठमाडौंका सबै हलहरुबाट राम्रो प्रतिक्रिया पाएपछि...

अब्बल अभिनेत्री दीपिका, निर्देशकले दिए पुरस्कार

अब्बल अभिनेत्री दीपिका, निर्देशकले दिए पुरस्कार

दीपिका पादुकोणले पाँच सय रुपैयाँ पुरस्कार पाएकी छन्। उनीद्वारा अभिनित चलचित्र ‘पद्मावत’ ले राम्रो सफलता पाएको छ। उक्त सफलताबाट खुशी...

१०७ भत्किए, तीन मात्रै बने

काठमाडौं महानगरपालिका क्षेत्रमा भूकम्पले भत्किएका १०७ सम्पदामध्ये तीन मात्रै पुनर्निर्माण सम्पन्न भएका छन् । भूकम्प गएको तीन वर्ष बित्न लाग्दा...

‘पञ्चेबाजा’ लाई ‘साढे ७’

‘पञ्चेबाजा’ लाई ‘साढे ७’

स्वेता खड्काको निर्माणमा बनेको फिल्म ‘कान्छी’ प्रदर्शन भइरहँदा शुक्रबारबाट हलमा दुई नेपाली फिल्म ‘पञ्चेबाजा’ र ‘साढे ७’ थपिएका छन् ।...