किर्ते मुद्दाका दोषी पूर्वगाविस अध्यक्ष पक्राउ

मङ्गलबार, २७ भदौ २०७४, १९ : १८ ध्रुव दंगाल


सिन्धुपाल्चोक-  सरकारी छाप दस्तखत तथा नागरिकता र राहदानी किर्ते गरेको दुई मुद्दामा २३ महिना कैद सजायँ पाएका पूर्वगाविस अध्यक्ष पक्राउ परेका छन्। दोषी ठहर भएपछि १० वर्षदेखि फरार तत्कालीन मेलम्ची गाविसका पूर्वअध्यक्ष कुमार पाण्डे मंगलबार पक्राउ परेका हुन्।

काभ्रेपाञ्चोकको जिरोकिलोबाट पिछा थालेको प्रहरीले चौताराबाट उनलाई पक्राउ गरेको हो । जिल्ला मातपोत कार्यालयमा काम लिएर उनी सदरमुकाम आउँदै थिए । सूचनाका आधारमा उनलाई पक्राउ गरी जिल्ला अदालत उपस्थित गराइएको जिल्ला प्रहरी प्रमुख एसपी मोहनप्रसाद पोखरेलले बताए ।

अदालतले उनलाई कानुनी प्रक्रिया पूरा गरी कैद भूक्तानका लागि साँझै जिल्ला कारागारमा बुझाएको छ । तर भूकम्पपछि जिल्लामा कारागार नरहेकाले पाण्डेलाई प्रहरी हिरासतमा थुनिएको छ । भूकम्पबाट कारागार क्षतिग्रस्त छ । बुधबार थुन्नका लागि उनलाई अन्यत्रै कारागार लगिने बताइएको छ । भूकम्पमा कारागारबाट भागेका २ सय १६ र अन्य समयमा विभिन्न मुद्दामा दोषी ठहर भइ फरार रहँदै आएका कैदी, बन्दी नियन्त्रणमा लिन प्रहरीले अभियान चलाइ रहेका बेला पाण्डे पक्राउ परेका हुन् ।

२०६३ मा दायर सरकारी छाप दस्तखत किर्ते मुद्दामा २०६४ माघ १५ गते सिन्धुपाल्चोक जिल्ला अदालतले उनलाई १ वर्ष कैद सजाय र ५० रुपैयाँ जरिवाना तोकेको थियो । यसअघि सोही वर्ष दायर नागरिकता र राहदानी किर्ते सम्वन्धी अर्को मुद्दामा अदालते उनलाई २०६४ वैशाख १३ गते फैसला सुनाउँदै ११ महिना कैद र १ हजार रुपैयाँ जरिवाना सजाय तोकेको थियो ।

नापी र मालपोत कार्यालयमा बिचौलिया गरी स्थानीयको जग्गा ठगीमा चर्चित रहेका पाण्डे यसअघि खुलेआम राजधानी, मेलम्ची र चौतारा हिँडडुल गरिरहे पनि प्रहरीले पक्राउ गरेको थिएन । फरक प्रकृतिका दुई मुद्दामा कैद तोकिए पनि ठूलो सजाय हुने कानुनी व्यवस्थाअनुसार उनी एक वर्ष कैद बस्नुपर्ने अदालतका स्रेस्तेदार महेन्द्र कार्कीले बताए।





यसमा तपाईको मत

तपाईंको रुचि अनुसारको समाचारको लागि खाता खोल्नुहोस् ।

अन्य समाचार

नयाँ सवारी दर्ता गर्ने प्रक्रिया

नयाँ सवारी दर्ता गर्ने प्रक्रिया

नयाँ सवारी खरिद गरिसके पछि सो सवारी सडकमा चलाउनु अगाडी नै दर्ता गरिसकेको हुनुपर्छ | ग्राहकलाइ सजिलो होस् भनेर दर्ता...

कस्तो किसिमको गाडी किन्नु ठीक होला त ?

कस्तो किसिमको गाडी किन्नु ठीक होला त ?

गाडीको बनावटमा आधारित गाइड ...

किन गर्ने गाडीको बिमा?

किन गर्ने गाडीको बिमा?

भविष्यमा हुन सक्ने दुर्घटनाको बारे हामी अनविज्ञ छौं । तेस्रो पक्षको सवारी विमा गरेर यस्तो दुर्घटनाको क्षति कसरी न्यूनीकरण गर्न...

जाडो मौसममा गाडीमा आउन सक्ने समस्याहरुको समाधान

जाडो मौसममा गाडीमा आउन सक्ने समस्याहरुको समाधान

जान्नुहोस् केहि रोचक जुक्ति र ह्याकहरु जसबाट तपाइले गाडीमा आइपर्ने जाडो सम्बन्धि समस्याहरुबाट छुटकारा पाउन सक्नुहुन्छ ...

दयाहाङ किराँत संग्रहालयको सद्भावना दूत

दयाहाङ किराँत संग्रहालयको सद्भावना दूत

अभिनेता दयाहाङ राईलाई खोटाङको ऐसेलुखर्क–५ रिब्दुङ महेश्वरीमा निर्माण सुरु गरिएको किराँत संग्रहालयको सद्भावना दूत बनाइएको छ। ...

सञ्जय दत्तको बायोपिक फिल्ममा विवाद

सञ्जय दत्तको बायोपिक फिल्ममा विवाद

बलिउडका अभिनेता सञ्जय दत्तको जीवनीमा आधारित बायोपिक फिल्मको नाममा विवाद भएको छ। निर्देशक राजकुमार हिरानी र निर्माता विनोद चोपडा फिल्मको नाम...

जोहारीको ‘याँ सम्झिने कोई भएन’ को भिडियो सार्वजनिक

जोहारीको ‘याँ सम्झिने कोई भएन’ को भिडियो सार्वजनिक

गायक वीरेन्द्र जोहारी नयाँ देउडा गीतका साथ दर्शकश्रोता समक्ष आएका छन्। पेशाले नेपाल प्रहरीको प्रहरी नायव निरीक्षक पदमा कार्यरत जोहारीले...

मिथिला माध्यमिकी परिक्रमा आज महोत्तरीमा

मिथिलाको महाकुम्भ भनिने मिथिला माध्यमिकी परिक्रमाका यात्री आज महोत्तरी जिल्ला प्रवेश गरेका छन्। ...