छोराहरुका लागि एक्लैले बनाए आठ किलोमिटर बाटो

शुक्रबार, २८ पुष २०७४, ०७ : ५६ एजेन्सी


नयाँ दिल्ली – भारतको पूवी राज्य ओरिसाका एक मानिसले गल र पिकको माध्यमबाट एक्लैले आठ किलोमिटर लामो सडक निर्माण गरेका छन् ।

 

विद्यालय जाने आफ्ना छोराहरु बारम्बार घर आइरहन सकुन् भनेर उनी एक्लैले साधारण घरायसी उपकरणको माध्यमबाट आठ किलोमिटर बाटो निर्माण गरेको बताइएको छ ।

४५ वर्षे जालन्धर नायक नाम गरेका ती मानिसका तीन छोराहरु पढिरहेको आवासीय विद्यालयभन्दा १० किलोमिटर पर ग्रामीण गाउँमा बसिरहेका छन् । आफ्ना छोराहरुले घर आउनका लागि पाँचवटा पहाड पार गर्नुपर्ने बाध्यतालाई चिर्न उनी एक्लैले सडक खनेको बताएका छन् । स्थानीय अधिकारीहरुले बिबिसीलाई बताएअनुसार बाँकी सात किलोमिटर बाटो अब सरकारले बनाउने छ ।

पछिल्लो दुई वर्ष नायक बिहानै घरबाट उठेर आफ्ना घरेलु सामाग्रीसहित बाटो खन्न निस्कने गर्दथे र प्रत्येक दिन उनले ढुंगा काट्न र शिलाखण्ड हटाउन निरन्तर आठ घण्टासम्म खर्चने गरेका थिए ।
उनले सडक निर्माण सम्पन्न भइसकेपछि बिदामा वा प्रत्येक साता आफ्ना छोराहरु घर फर्कने विश्वास लिएको संवाददाताहरुसँग बताएका छन् । १५ किलोमिटर लामो सडकखण्डले नायकको गाउँ र उनका छोराहरु पढिरहेको विद्यालयलाई जोड्ने बताइएको छ । सडक निर्माणको बाँकी काम गर्ने जिम्मा लिएका सरकारी अधिकारीहरुले नायकले गरेको कामको पैसा दिइने बताएका छन् ।

अब सडकको बाँकी कार्य सरकारले पूरा गर्न लागेकोमा आफू अत्यन्तै खुसी भएको नायकले बताएका छन् । उनले सरकारी अधिकारीलाई गाउँमा विजुली र खानेपानीको सेवा पनि उपलब्ध गराइदिन आग्रह गरेको बताएका छन् ।

उनले आफूले स्थानीय अधिकारीहरुसँग न त कुनै सहयोग मागेको न त उनीहरुले नै दिएको बताएका छन् । स्थानीय अधिकारीहरुले नायकले गरिरहेको सडक निर्माण कार्य स्थानीय समाचार बुलेटिनमा यो महिनाको सुरुवातमा समाचार प्रकाशन भएपछि मात्रै थाहा पाएका थिए ।

‘सडक निर्माण गर्दा उनले एउटै पनि रूखलाई हानी नर्गन अपनाएको सचेतनाले म निकै नै प्रभावित भएको छ,’ नायकको सर्वप्रथम अन्तर्वार्ता लिएका स्थानीय पत्रकार सिवशक्ति विश्वाललाई उद्धृत गर्दै बिबिसीले जनाएको छ । नायकाले बनाएको सडक कार चलाउनसमेत योग्य रहेको पत्रकार विश्वालले बताए ।

भारतका राष्ट्रिय सञ्चारमाध्यमहरुले नायकलाई दशरथ माझीसँग तुलना गरिरहेका छन् । दशरथ माझी भारतको बिहार राज्यका नागरिक हुन् जसले आफ्नो गाँउलाई नजिकैको सहरसँग जोड्नका लागि एक्लैले पहाड फोरेर सडक निर्माण गरेका थिए र उनलाई ‘माउन्टेन म्यान’ समेत भनेर चिनिने गरेको छ ।

 

 

 






यसमा तपाईको मत

अन्य समाचार

सेल्फि र सेल्फि फोनको लहर

सेल्फि र सेल्फि फोनको लहर

सेल्फि फोनको ट्रेन्डलाई नियालेर हेर्दै र सेल्फि क्यामरा राम्रो हुनलाई केको आवश्यकता पर्छ भन्ने विषयमा टिप्पणी । ...

ट्याब्लेट रोज्दा खोज्नुपर्ने उत्तरहरु

ट्याब्लेट रोज्दा खोज्नुपर्ने उत्तरहरु

सानदार स्क्रिन हुने, बोक्न गाह्रो नहुने र चलाउन सजिलो हुने भएकाले ट्याब्लेट छोटो समयमा नै अत्यधिक लोकप्रिय भएको छ ।...

ल्यापटप छान्न सरल

ल्यापटप छान्न सरल

गाह्रोभन्दा गाह्रो कामहरु पनि सजिलै गर्न मिल्ने तर जता पनि सजिलै बोकेर हिंड्न मिल्ने भएकाले ल्यापटप अहिले पुराना शैलीका डेस्कटप...

टिभीको नयाँ रुपलाई नियाल्दा

टिभीको नयाँ रुपलाई नियाल्दा

टिभी हेर्न सजिलो छ । किन्न भने त्यति सरल नहुन सक्छ । अहिले पुराना शैलीका सिआरटि टिभीहरु उत्पादन हुन छोडिसके...

जितुले हसाँए, कमलले नचाए

जितुले हसाँए, कमलले नचाए

सर्लाहीको मूर्तियामा बुधबारदेखि जारी ऐतिहाँसिक मुक्तेश्वर मूर्तिया महोत्सव अन्तर्गत विहिबार राष्ट्रिय स्तरमा चर्चित कलाकारहरुले आफ्नो प्रस्तुती दिएका छन्। ...

सलमान खानले चन्द्रागिरिको भ्रमण गर्ने

सलमान खानले चन्द्रागिरिको भ्रमण गर्ने

बलिउडका चर्चित अभिनेता सलमान खानले चन्द्रागिरि हिल्सको भ्रमण गर्ने भएका छन्। दवाङ्ग इभेन्टका लागि आउँदो मार्चमा नेपाल खान आउन लागेका...

‘पद्मावती’माथि चार राज्यको प्रतिबन्ध सर्वाेच्चले हटायो

‘पद्मावती’माथि चार राज्यको प्रतिबन्ध सर्वाेच्चले हटायो

सञ्जयलिला भन्सालीको विवादित फिल्म ‘पद्मावती’माथि चार राज्यले लगाएको प्रतिबन्ध भारतीय सर्वाेच्च अदालतले खारेज गरेको छ। विहीबार प्रधानन्यायाधीश दिपक मिश्रासहित ३...

भिलेन मौनी

भिलेन मौनी

भारतीय टेलिभिजनमा ‘नागिन’का रुपमा परिचित मौनी रोयको अभिनयको गाडीले केही समय अघिमात्र बलिउडको ट्रयाक समातेको छ । उनी अभिनित फिल्म...